Artxiboa

Orain arteko erakusketarik handiena Claes Oldenburgek (Stockholm, Suedia, 1929) hirurogeiko hamarkadan egindako obra goiztiar, berritzaile eta enblematikoari eskainia da. Oldenburg XX. mendeko berrogeita hamarreko hamarkadatik artearen garapenean eragin handienetakoa izan duen artistetako bat izan da. 300 lan ingururen hautaketa da hau. Hasteko, "Kalea (The Street)" instalazioa eta grafitietan oinarritutako hiriko bizitza modernoaren irudikapenak, eta, ondoren, "Denda (The Store)"-ren kontsumo artikulu ospetsuak eta “etxe modernoan” egunero erabiltzen diren objektu ikusgarriak.

Niklas Ekstedt sukaldari suediarrak maitasun handia dio sutan prestatutako janariari. Sei kultura desberdin bisitatuko ditu, janaria sutan nola prestatzen duten ezagutzeko eta ohitura bakoitzaren atzean zer dagoen jakiteko.

Angelina institutuko ikasle hiltzaile bat da. Ahalegin handia egin arren, ezin du kontrolatu bere hilketa-gosea.

Siri eta David Suediako bikote bat da; Londresen daude, ikasten eta lanean, hurrenez hurren. Gau batean, parrandan, Camille ezagutzen dute, beren adineko frantses bat. Festaren amaieran, alkoholak eta drogek bultzatuta, hirukote bat egiten dute. Egoera zirraragarri eta berri horrek kolokan jarriko du Siri eta Daviden ordura arteko harreman egonkorra. Datorkien emozio uholdeari aurre egiten ikasi beharko dute.

Hotelaren jabeak, Werner Gyllenmarkek, bere 60. urtebetetzea ospatuko du. Guztiak daude gonbidatuta, Egil Grip lehiakidea barne. Baina festa bat-batean bukatuko da istripu baten ondorioz, eta laster, sekretu izugarriak agerian geratzen hasiko dira.

Esti Oiartzunera itzuli da sei urtez Suedian bizi ondoren. Bere buruari ez zela itzuliko agindu bazion ere, ezegonkortasun ekonomikoak eta lan-prekarietateak bueltatzera behartzen dute. Herriak aldaezin jarraitzen duela konturatzen da, eta Esti ez dago egokitzeko prest.

Jose Antonio de Agirreren bizitzari buruzko dokumental laburra, Frantziatik, Belgikatik, Alemaniatik, Suediatik, Brasildik, etab. bidaiatu ondoren New Yorkera iritsi zenekoa. Bertara iritsitakoan, Agirrek erbesteko Eusko Jaurlaritza abian jarri zuen, izan ere, Parisen egon zen aldi laburrean, alemaniarren etorreraren aurrean ezin izan baitzuen hura egin.

Martin eta Cesar Peruko Amazoniaren bihotzera doaz, Manuko Parke Nazionaleko komunitate indigena urrunenarekin topo egiteko. Hori lortzeko, ustelkeria, narkotrafikoa eta legez kanpoko meatzaritza nagusi diren eskualde hostotsu bat zeharkatu beharko dute. Pulitzer Centerren beka jaso duen espedizioa da.

Zein doinu du maitasunak? Nola abesten zaio heriotzari? eta nostalgiari? Donostiako Musika Hamabostaldiaren podcast sailaren atal bakoitzean, musika klasikoa aitzaki hartuta, horren inspirazio iturri izan diren gai unibertsalei buruz solasean ariko dira Joseina Etxeberria, kazetaria, eta euskal gizartean eremu jakin batean bere jardunagatik (kultura, kirola…) ezaguna den gonbidatu bat. Musika klasikoa eta solasaldia uztartuta, lasai entzun eta gogoeta egiteko saioa.

Itziar autoan doa goizean goiz irratia entzunez. Lanerako bidean burura datozkion pentsamenduak entzuten ditugu autoko bere bakarrizketaren bidez. Pentsamenduak marmarka ateratzen zaizkio gehienetan.

Elias nerabea 'Buck komandantea' izeneko bideo-jokoan aritzen da inguruan dituen arazoez ahazteko. Bere logela du babesleku, inork ez baitio enbarazurik egiten. Halako batean, Buck komandatea agertuko da Eliasen ohe ertzean, eta hortik aurrera, dena aldatuko da.

EITBko hainbat profesionalek gabon kanta ezagunak abestuko dituzte Euskadiko Orkestrarekin batera. Fernando Velázquez konpositoreak moldatu ditu obra horiek, eta Juanjo Ocón zuzendariaren esanetara interpretatu dituzte, Leioa Kantika Koralak eta Errenteriako Landarbaso Abesbatzako kideek lagunduta.

Euskal Herrira bizitzera joan den argentinar baten abenturak kontatzen ditu komedia honek. Saul Arrateren etxera iristean, gauzak aldatu egingo dira, nahiz eta familiaburua, Txomin, gizon burugogorra, kontserbadorea eta bere tradizioetan ainguratua izan, bere alabak errabinoen seme eta biloba honekin duen harremana onartzen ez duena, ez baitu urdaiazpikorik eta itsaskirik jaten, eta gainera, bizitza osoan lan egin duen enpresako exekutibo izar berria bihurtuko dena, Olabe S.L.

Arratsaldeko 17:00etan hasita, musikarik onena, lehiaketak eta eguneko kontu garrantzitsuenak Ibon Fernandez eta Alain Perezekin.

Maddalen Arzallusek eta Xabier Sukiak aurkeztutako saioa. Gaurkotasuna eta gai sozialak jorratzeaz gain, egunero protagonista bat izango dute, eta kolaboratzaile zerrenda luzea.

Rita eta Berta lapurrak dira. Auto gorri zahar bat bidelagun izanik, inguruko bazterrak nahasten dituzte beraien egunerokotasunean aurkitzen ez duten adrenalina bilatzeko asmoz. Zoritxarrez gorakada guztiek beherakada bat ere badute. Bertak aldaketa bat behar du eta erabaki bat hartu du.

Uda, asteburu luzea, txangoa. Gozamen tartea da oporraldia, atseden hartu eta indarrak berritzeko sasoia. Beti ez dira gauzak espero bezala gertatzen hala ere. Desegokia suerta daiteke bidaidea, nahas liteke giroa edo trakestu familiako bakea. Zapuztu gaitzake ekaitzak, mehatxatu istripuak. Urtarrak eta naturaren atseginari lotuak dira Harkaitz Canoren (Lasarte,1975) narrazio hauek. Susak 2015ean egindako argitalpenetik eskaintzen dizu EITB Mediak audioliburu gisa.

Txangon lau lagun gazteri jarraitzen diegu, Maria (27), Paula (29), Bruna (24) eta Marta (27), Pagasarrirako igoeran Queenek, Mariaren txakurrak, lagunduta. Prozesu osoan, lagunen atzetik ibiliko gara, behaketan, telefono bidezko hitzorduetatik hasi, jaitsiera egin eta botak kendu arte.

Musikaren bidezidorretan barrena eramango zaitu Jon Basagurenek.

Ahmedabaden, Isabelek animazio tailer bat ematen dio tatuaje-artista talde bati, Mehndi-a. Ametsei buruzko elkarrizketak egingo dizkie: Ramiak hegan egin nahi du, Saadiyak emakumezkoen parlamentu batekin egiten du amets, Shubhashreek Suitzara bidaiatu nahi du, eta Samirak independentzia aldarrikatuko du raparen bidez.