Artxiboa

Kulturgintzaren unibertsoan jasotako bizipenak eta irakaspenak, asko dira. Batzuengatik hartzen dugu, hurrengo belaunaldiei emateko. Durangoko Azoka honen guztiaren bilgune izanik, ekarpen asko dugu sortzaileen artean solastu eta partekatzeko. Amets Arangurenek gidatuta, "BaDA!bil" poscasta hausnarketa gunea da kultur sortzaileen bilkura nagusiaren atarian.

Show, Ziomara Hormaetxek zuzendutako dantza-pieza, Dantzertiko Dantza Graduko ikasketen amaierako muntaketa da. Proposamenak sare sozialen testuinguruan intimitatearen galerari buruzko hausnarketa egiten du, bizitza ikuskizun bihurtzen denean sortzen diren esperientziak ardatz hartuta.

Emakumeak zinema zuzendaritzan lekua egin eta pertsonaia femeninoen erreferente berriak agertu izanak izan duen eragin zuzen eta errealaren inguruan egiten du hausnarketa; eta azpimarratzen du horrek zein eragin duen neskatoen eta emakumeen autopertzepzioan, eta, ondorioz, gizarte osoan ere.

Kulturgintzaren unibertsoan jasotako bizipenak eta irakaspenak, asko dira. Batzuengatik hartzen dugu, hurrengo belaunaldiei emateko. Durangoko Azoka honen guztiaren bilgune izanik, ekarpen asko dugu sortzaileen artean solastu eta partekatzeko. Amets Arangurenek gidatuta, "BaDA!bil" podcasta hausnarketa gunea da kultur sortzaileen bilkura nagusiaren atarian.

Basazuria – Blanco furioso, La Intrusa konpainiak Dantzertirako sortutako dantza-lana da. Prozesu koreografiko baten emaitza da, talde-lanean eta sorkuntza artistikoan oinarritua, ikasleen eta konpainiako kideen partaidetzarekin. Proposamenak konformismoaren eta ausardiaren arteko mugari buruzko hausnarketa planteatzen du, alegoriaren eta egunerokoaren arteko ibilbide baten bidez.

Herri txikiko egietatik munduko egietara HIKA posible dela sinetsita abiatu zuen duela 35 urte Agurtzane Intxaurragak bere ibilbidea arte eszenikoetan. Gaur bi sortzaile gazteagoekin egin du hitzordua Donostiako Antzoki Zaharrean, Kamikaz kolektiboko Amancay Gaztañagarekin eta Mari Zaunkako Oihana Vesgarekin. Gogoa sentitu du belaunaldi berriekin euskal arte eszenikoen inguruko hausnarketa egiteko.

Zaila da Karakorum neguan izan ohi den bezain leku desolagarri eta arrotzik aurkitzea. Laila Peak eskalatzen saiatuko dira bi alpinista belaunaldi, 6000 metrotik gora dituen orratz ikusgarria. Hainbat astez elkarrekin lan egingo dute ekaitz eta haizete beldurgarriei aurre eginez, zeropetik 30 graduko tenperaturekin. Mendiekiko maitasunaz eta pasioaz hausnarketa egiteko gonbitea da film hau.

Union Cerrajeran lan egin zuten hainbat langileren eskutik, enpresak Debagoienean izan duen eragina errepasatzen da erreportaje honetan. Enpresaren historia, urrezko urteak eta beherakada, borroka urteak, eta desagertu arte emandako pausoak protagonisten ahotik. Arrasateko lantegien gainean jardungo dute, baina baita Bergarako labe garaiek izan zuten garrantzia, eta izango dezaketen etorkizunaren gainean hausnarketa bat.

"Señoras bien", igandeko iritzi-gunea da, Jaione Sanzek asmatu, idatzi eta lokutatutako "Déjate llevar" programaren barruan. Sarkasmoa eguneroko eta gaurkotasuna duten gaiak lantzeko tresna da. Sistemari eta sistema osatzen dugunoi, Lehen Munduko gure arazoei, gure inkoherentziei eta arinkeriei, egungo gizartearen postureari eta sofatik egindako kexari kritika zorrotza eginez makilatutako hausnarketa soziala. Bizitza, geure buruaz barre eginez, hobeto moldatzen delako.

Film labur honetan, Mirentxu Loyarte zinegile nafarrak euskal herritarren nortasun kolektiboari buruzko hausnarketa egin zuen. Zuzendariaren lehen lana da, Luis Iturriren testu baten bertsio filmatua. Euskal errealitatearen kaleko argazkiak eta koreografia emanaldiak eszenatoki batean nahastuz Euskal Herriaren aurkako errepresioa salatzen duena, eta Espainiako Zinematografia Zuzendaritza Nagusiaren Kalitate Sari Berezia jaso zuena. Halaber, Marivi Bilbaok aktore gisa egindako lehen lanetako bat izan zen.

“baDA!bil” podcastaren bidez kultur sortzaileen iritziak entzunez gozatzea proposatzen dizugu GUAU plataforman. Amets Arangurenek gidatuta, hiruko taldeak osatu ditugu sorkuntzarekin zuzeneko lotura duten gaien inguruan solasteko. DA!-rekin elkarlanean osatu dugu 3. denboraldia sei ataletan banatuta 2025ean 60 urte betetzen dituen Kulturaren Jaialdiaren atariko. Hiru Damatxok egin du podcastaren ekoizpena EITB Mediarako.

Prosopagnosia (grezieratik), aurpegien itsutasuna ere deitua, gizartearen zati batek pairatzen duen gaixotasuna da, jendearen aurpegiak ezagutzea eragozten diona eta kasurik larrienetan bere aurpegia ere ezagutzeko gai ez dena. Denok al dugu prosopagnosi mailaren bat? Gutako asko "itsu" heldu gara helduarora, ez baitugu bidean tarterik hartu nor garen ezagutzeko, izan nahi dugunari buruz hausnartzeko eta izan nahi dugunarekin koherentziaz jokatzen ari garela bermatzeko.

Iñaki Guridik eta bere lantaldeak ekarriko dizkizu Euskal Herrian eta munduan gertatzen denaren kontakizuna eta analisirako gakoak. Aktualitatea, ertz guztietatik begiratuta, aztertzen dute albistegietako lantalde zabalak eta erreferentziako kolaboratzaile sareak.

Sortzaileen txokoa da Arratsean. Sortzaileen amets, beldur, egonezin, gorabehera, gogo, ilusio, ahuldade eta indarguneen oihartzun. Sortzaileen ahotsez. Entzule perfektuaren bila. Beti.

Emilio Olabarriaren iritzi eta hausnarketak.

Xabier García Ramsden kazetariak gidatutako esperimentu soziologiko berri bat da, elkarrizketara eta hausnarketara gonbidatzen duena. Astero, bi lagun afaltzera eseriko dira elkarrekin, erabat ezezagunak eta gai jakin bati buruzko iritzi guztiz kontrajarriak dituztenak. Elkarrizketen bidez, eztabaidatu, konektatu, urrundu eta hunkitu ere egingo dira. Afalorduan zehar, tablet batek galdera oso zuzenak botako dizkie, eta ez beti erosoak. Horrela, haurdunaldi subrogatuari, abortuari, eutanasiari edo ezkontza ez-monogamoari buruz zer pentsatzen duten partekatu beharko dute.

Xabier García Ramsden kazetariak gidatutako esperimentu soziologiko berri bat da, elkarrizketara eta hausnarketara gonbidatzen duena. Astero, bi lagun afaltzera eseriko dira elkarrekin, erabat ezezagunak eta gai jakin bati buruzko iritzi guztiz kontrajarriak dituztenak. Elkarrizketen bidez, eztabaidatu, konektatu, urrundu eta hunkitu ere egingo dira. Afalorduan zehar, tablet batek galdera oso zuzenak botako dizkie, eta ez beti erosoak. Horrela, haurdunaldi subrogatuari, abortuari, eutanasiari edo ezkontza ez-monogamoari buruz zer pentsatzen duten partekatu beharko dute.