Artxiboa

Jon Maiaren musika eta gai aukera, podcast egina.

Hogei urte inguruko gazte donostiar bat, Juan Martin, urte batzuetan euskara euskaltegietan landu ondoren, Gipuzkoako herri txiki bateko baserri batera abiatuko da benetako euskara ikastera.

Kima eta Amik lehengusuak dira. Kimak gehien maite duena da lehengusuaren etxera joatea, baserrira. Amikek gehien maite duena da lehengusinaren etxera joatea, hirira. Kima alderantziz irakurtzen baduzu, Amik aterako zaizu. Izan ere, izenetik bertatik ikusten da Kimak eta Amikek ia beti kontrakoa nahi dutela. Baina ia beti aurkitzen dute modua bien artean jolasteko eta ondo pasatzeko. Ez da beti erraza izaten, ordea, gurasoek bi umeentzako planak egiten dituztenez eta batetik bestera korrika eta presaka joan behar izaten dutenez, jolasak etengabe asmatu eta birrasmatu behar izaten baitituzte. Baina horixe da Kima eta Amiken dohairik handiena, edonon eta edonola jolasteko gaitasuna.

Joey harroputza da eta umorez konpontzen du dena.

Sormen dokumentala eta road movie-en artean kokatzen den filma da hau. Kontatzen duen istorioak Igor Otxoak eta Harkaitz Martinez de San Vicentek izandako desio bat du abiapuntu: txalaparta topagune bihurtzea.

Jørgen Lethek eta Olatz Gonzalez Abrisketak zuzendutako esku pilotari buruzko filma. Juan Martinez de Irujo, Julian Retegi, Aimar Olaizola eta Pampi Laduche, besteak beste, dira filmeko protagonistak.

Bullying arazoak modu umoretsu eta entrentenigarri batean lantzen dituen filma. Eskolan bullying sufritzen duen ume talde batek talde sekretu bat osatu du eta iseka egiten dieten umeen kontrako ekintzak egiten hasiko dira.

Emakumezko aktore talde bat eta zuzendari bat eraikitzen ari diren etxe batean astebetez bizitzen. Bat-bateko fikzioak, karaokea eta zinema. Film baten bilaketa helburu gertagaitz gisa. Sororitatea, barreak eta sorkuntza kolektiboa, emakume talde honen lanbideari eta sortze prozesuari buruzko esperientzia-filma sortzeko.

Benetako gertaeretan oinarrituta, Dylanen istorio hunkigarria kontatzen du filmak. Hamaika urteko mutila Australian bizi da, aitarekin (Sam Worthington). Alargundu zenetik, aitak ezin du semearekin garai batean zuen erlazioa berreskuratu, ez baitu emaztearen galera gainditzerik izan.

Iruñeko San Fermin jaiei buruzko dokumental amateurra. Filma hasteko, jaien bezperako, uztailaren 6ko, hiriko giroa jaso da, suziriaren bidez (txupinazoa) udaletxeko plazan hasi eta "riau riau" edo desfilea Udalbatzarekin jarraituz patroiaren elizaraino. Sanferminetako egun oso bat jarraitzen du, uztailaren 7an zentratua, entzierroarekin hasiz eta gainerakoa hiru ataletan banatuz: "goiza", "arratsaldea" eta "gaua".

Maspalomas, musika original onenaren saria jasotzeko hautagaien artean dago aurtengo Goya sarietan. Aranzazu Calleja musikariak konposatu du soinu-banda, orain, GUAUn entzungai duzuena. Bikotearekin hautsi ondoren, Vicentek (76) gustuko duen bizimodua egiten hasten da Maspalomasen: eguzkia, parranda eta gozamena dira bere eguneroko jardunak. Baina istripu batek Donostiara itzultzera behartuko du eta han aspaldi abandonatu zuen alabarekin (Nagore Aranburu) elkartu beharko da. "Maspalomas" Moriartitarrek 2025ean egindako filma da.

Familia ez ohiko baten abenturak. Mutil bat, neska bat, txakur bat, katu bat, sagu bat eta...gazta zati bat dira familia berezi horretako kideak. Zer okertu daiteke?

Gizon bat, emakume bat eta haien alaba txikia elkarrekin bizi dira Euskal Herriko etxebizitza batean. Etxeko lanak eta eguneroko keinuak paisaia berde eta oparoetan gainjartzen dira. Zinemagileek eta haien ordezkoek eguneroko baten zatiak berrinterpretatzen dituzte. Musikak etxea betetzen du haurren marrazkiek bizia hartzen duten heinean. Behaketa eta fantasiazko uneak uztartuz, laguntzari, ondareari eta eusten gaituzten lan ikusezin txikiei buruzko filma da 'In a Nearby Field'.

Aspaldi, oso urrun dagoen hiri batean... Shin chanen etxean ur termalen iturburu bat agertzen da, Roña Doktore beldurgarria buru duten Yuzameko Inperioaren eta uren arteko aliantzaren arteko gerra luze baten emaitza zehaztu dezakeena. Zer gertatzen den oso ondo ulertu gabe, Nohara familia abentura handi batean murgiltzen da etxera itzultzea lortzeko. Shin chan izango ote da inperioaren tiraniarekin amaitu eta bainuetxeen munduari bakea itzuliko diona?

“Jone, batzuetan” Sara Fantova bilbotar zinema zuzendariaren film dramatikoa da. Bilbo, abuztu bete-betea. Jone aitarekin eta ahizpa txikiarekin bizi da. Joneren aitak lana utzi behar izan du, parkinsonaren ondorioz. Aldi berean, Aste Nagusia hastear da eta Jone lehen aldiz maiteminduko da. Maitemintze horrek eragindako hilezkortasun-sentsazioaren eta aitak bere gaixotasuna zeharkatzeko duen modu bereziaren artean biziko du Jonek uda. 2025ean aurkeztu zen filma, eta hainbat sari jaso ditu. Pablo Seijo musikariak sortu du filmaren soinu-banda.

Nohara familiak aurre egin beharko die gizakien munduan nagusi den oreka eta bakearen zain dauden munstro askori. Froga honek Shin chanen justizia egarria pizten du, bere heroi maiteenak imitatu nahi baititu: Ultraheroia, Txerritxo Ausarta eta Super Robota.

Cleopatra, Egiptoko erreginak Asterix eta Obelixen laguntza beharko du egipziarrek erromatarrek baino hobeto eraikitzen dakitela erakusteko.

Shinnosuke eta bere lagunak elkarren atzetik jolasten dira Kasukabe hiri osoan zehar, jakin gabe handik gutxira pelikula abentura bat biziko dutela. Lagun taldearen jakin-minak zinema zahar baten barnera eramaten ditu: Kasukabe Odeonera, non denboran eta espazioan bidaiatuko duten.

Elurrek zulo bat egin du Noharatarren lorategian eta Shin chanek kutxa zahar bat aurkitu du bertan. Kutxa magikoaren eraginez, Shinnosuke XVI. mendera joango da eta garai hartako klanen arteko borroketan hartuko du parte, benetako samuraiek bezala.

Estralurtarren armada batek inbaditu nahi gaitu. Gizateria menperatu eta mundu guztia berdin jantzi nahi dute: emakume-bainujantziarekin! Itxaropen bakarra Ultraheroia da, telebistako pertsonaia ospetsua, errealitate paralelo bateko superheroia. Arazoa da bere boterearen iturria galdu duela eta Shin chan imitaezinaz fidatu beharko dela arazoak konpontzeko.

Shin chan eta bere lagunak irakasleak eta ikaskideak ohi baino arraroago jokatzen dutela konturatzen direnean hasten da dena. Ikertzen hasten direnean, Kasukabe hiria klonez betetzen ari dela ondorioztatzen dute. Izaki bat bestearen berdin-berdina agertzen da, eta inork saihestu ezin duenez, benetakoa erabat desagertzen da. Klon hauei buruz dakiten gauza bakarra da dantzatzea gustatzen zaiela, besterik gabe... samba! Datu horrek inguruko zein pertsona ez diren benetakoak asmatzen laguntzen die; izan ere, behin musika entzuten denean, ezin diote eskeletoa mugitzeari utzi!