Artxiboa

Interneten bere gaztetako irudi biluzia dabilela ikustean, neska batek bere bizitzako unerik gogorrenak berreraiki beharko ditu, burutik erabat ezabatuta zituenak barne. Arazoari aurre egitea behartuta, ikertuko du Donostian oso ezaguna den argazkilaria, aldi berean deskubrituz, gizona babesteko ezkutuan lan egiten duen sare oso bat. Argazkilariaren kontrako salaketak ate atzean botata, neskari kasua publiko egitea besterik ez zaio geratuko. Benetako gertaera harrigarria.

Bilboko langile-periferian, 80ko hamarkadan, gimnasia erritmikoko haur-talde bat Berlinen egingo den txapelketa batean parte hartzeko prestatzen ari da. Amek alabei lagundu ezin dietenez, zeregina aitei egokituko zaie, ez baitiote interes handirik ematen bidaian, ez kirol horretan, ez alabetan. Bidaia luzea izango da, eta Berlingo harresia erortzen den bitartean, aita izateko modu berri bat aurkituko dute.

Sofia (Sofia Otero) 10 urteko neskatila bat da. Aita bat-batean hil zaio eta amarekin (Manuela Vellés) bizitza berri bati aurre egin behar dio. Egoera konplexu horri aurre egiteko, Sofiak antzerkian bilatuko du babesa; errealitate paralelo horri esker, ihes egingo du, eta, aldi berean, bere benetako bokazioa zein den jakingo du.

Arnold adin ertaineko sagu bat da eta krisi existentzial batean harrapatuta dago. Bere ezkontza gainbeheran da, bizitza zentzugabea iruditzen zaio, eta inguruko guztia iruzur handi bat dela susmatzen hasten da. Bere lagunik onena egoera susmagarrietan hiltzen denean, Arnold ziur dago zerbait ondo ez dabilela. Eguneroko paranoia huts baten moduan hasten dena, ihesaldi batean bihurtzen da, askatasun txiki baten bila.

Rita desegiteko arriskuan dagoen abesbatza batekoa da: entsegu-gela bat alokatzeko dirulaguntza galdu dute. Taldeak erabaki behar du haranean kutsadura eragiten duen enpresaren babesa onartu ala ez.

Marty 15 urteko gaztea hiltzen denean, bere aitak bere bizitza digitalaren urratsak jarraitzen ditu. Zergatik hil zen eta nola parte har zezakeen istilu izugarrietan?