Artxiboa

Rita desegiteko arriskuan dagoen abesbatza batekoa da: entsegu-gela bat alokatzeko dirulaguntza galdu dute. Taldeak erabaki behar du haranean kutsadura eragiten duen enpresaren babesa onartu ala ez.

Dotorea, isila eta, hala ere, sorpresa fantastikoz betea: Pan Tau ez da eskolako maskota arrunta. Westpark eskolan ume batek laguntza behar duenean, Pan Tau bertan da, bere ahalmen magikoak erabiltzeko prest. Gaztetxoei laguntzeko arazo oso korapilatsuei aurre egin beharko die Pan Tauk. Estutasuna edozein dela ere, Pan Tau hor egongo da beti; edozeinek nahiko lukeen lagun ikusezina bera.

Floor hamar urteko neska dibertigarria eta ausarta da, mugarik gabeko irudimena duena. Nagusien arauek zentzurik ez dutela uste duenean, Floorrek bere arauak asmatzen ditu eskolako eta etxeko eguneroko kaosa nabigatzeko.

Basauriko Kalero langile-auzoko etxekoandre xume batzuen istorioa kontatzen du erreportaje honek. Etxekoandre horien borrokak bultzatu zuen 1985eko Abortuaren Legea onartzea.

Auzoko emakumeen futbol txapelketa baten hasieraren zain daude Las Indomables futbol taldekoak. Itxaronaldian mota guztietako ekitaldiak gertatzen dira, baina garrantzitsuena han dagoenarekiko pasioa da: futbolean kosta ahala kosta jokatzea.

Dokumental honetan Bilboko erraietan murgilduko gara, hiriaren iragana berriro ezagutzeko eta Miribilla auzoko lurpean dagoen Malaespera meatzea argitara ateratzeko. Bizkaiko hiriburuko biztanle askorentzat ezezaguna da meatze hori, eta dokumental honek agerian uzten du.

Uhinetako bertsoen plaza podcastean eramangarri. Lehengo eta oraingo bertsoaldietara harpidetzeko aukera zabala ematen dizu "Hitza Jolas" podcastak Eneritz Gorrotxategik aurkeztuta.

Elorrioko San Agustin auzoko teileria zaharberritura joan gara. Ane Miren Arriaga Solatsu teileriako arduradunak teilagintzari buruzko hamaika azalpen interesgarri eman dizkigu. Teilaginen bizimoduaz, haien hizkeraz eta teilen sinbologiaz kontu ugari deskubritu ditugu bere eskutik.

Touré Bilbon bizi den etorkin ginearra da. Detektibe inprobisatu gisa ateratzen du bizimodua, auzoko bizilagunei eragiten dieten kasuak konponduz. Bere trebetasunak, intuizioak eta umore-sen bereziak Ertzaintzaren konfiantza bereganatzera eramaten dute. Baina droga eta giza trafiko sare konplexu batean ere sartuko da, bere bizitza eta bere alabarena arriskuan jarriko dituena.

Jorge Intxaurbe arkitektoa da eta Palacio Álava-Eskibel jauregiko bizilaguna, eraikin hau Hispania Nostraren zerrenda gorrian dago eta duela urte batzuk sare batez estali zuten. Auzoak ur-filtrazioegatik kezkaturik daude, eta gabezien artean eraikin nagusiko estalkia nabarmentzen da. Eraikinaren jabea Tangerreko udala da eta 453.000 euro inguruko zorra du, konponketa-aginduak behin eta berriz ez betetzeagatik.

Familia ez ohiko baten abenturak. Mutil bat, neska bat, txakur bat, katu bat, sagu bat eta...gazta zati bat dira familia berezi horretako kideak. Zer okertu daiteke?

Garizmendi baserrian giza hezur batzuk agertu dira. Zer egin jakin ezean, Fermin eta Karmen senar-emazteek Nestor semeari deitu diote eta honek, berriz, Ertzaintzari. Horiek heltzerakoan hezurrak desagertu dira. Segidan, hil kanpaiak joka hasten dira auzoko baselizan. Zantzu txarreko seinale horrek, gertaera latzak ekarri ez ezik, familiaren eta ingurukoen garai bateko zauriak irekiko ditu, Nestorren anaia bikia zen Aitorren heriotza barne.

Urkulu urtegia eraiki aurretik Goroeta auzoan eta inguruetan zegoen bizimoduaren berri jaso dute Goienak eta Loramendi elkarteak elkarlanean Hura zen Urkulu dokumentalean. Goroeta auzoko hamar baserri eta Aozaratzako bost geratu ziren ur azpian Urkulu urtegia eraiki zenean, orain dela 40 urte inguru, baita inguru hartako soro eta zelai asko ere. Eta istorio mordoa utzi zituen isilpean. Hainbat lekuko gidari hartuta, urtegia eraiki aurreko bizimodua, jaiak, eskola kontuak eta beste hainbat pasadizo eta bizipen jaso dituzte Hura zen Urkulu dokumentalean.