Artxiboa

"Basque" Etxepare Euskal Institutuaren podcasta da, ingelesez ekoitzia. Nazioarteko entzuleari espreski zuzendutako podcast honetan Oier Aranzabalek inspirazio-iturri diren hainbat euskal artista eta sortzaileren etxe eta lantokietaraino eramango gaitu. Gertu-gertutik solasean, euren ibilbide, bizipen eta gogoetetan murgilduz.

Twin Melody ahizpa biki ezagunek gai askoren inguruan hitz egiteko tartea hartuko dute “A ze parea” bilduman. Musika, zinema, erronkak eta beste hainbat kontu izango dituzte hizpide.

Remy sei urteko neska abenturazalea da eta lagun min berezi bat dauka, Boo, robot handi, arrosa, bigun bat. Remyren izaera menderakaitzari eta Booren gogo biziari esker, Izurde Badian abentura berri asko biziko dute, handiak eta txikiak, bien irudimen apartak bultzatuta.

Kruzero batean itsasoratuko gara, untzi, hondoratze, zinema, fantasma, amodio eta banpiro istorio batean murgiltzeko.

ZINEMALDIA podcasta Donostiako SSIFF-i buruzko audio inbentarioa da, Zinemaldiaren urte osoko jardunean zehar eta Irailero bederatzi egunetan zehar egiten den jaialdiaren beraren edukiak biltzen dituena.

Zinemako gaurkotasun guztia asteko estreinaldiekin. Jakin ezazu zer ari den filmatzen. Entzun aktore edo zinema zuzendariei egindako elkarrizketak eta lortu sariak gure lehiaketetan parte hartuz.

Sail honetan euskal sortzaileek musika, literatura, arkitektura edo arte plastikoetan egindako lanak eta haien izaera irudikatzen dira. Horretarako, lankideen adierazpenak eta zinema eta bideoan jasotako dokumentuak hartzen dira oinarritzat.

1920ko hamarkada apurtzailean zehar egindako ibilbide kitzikagarria erakusten du garaiko diziplina artistiko garrantzitsuenen 300 objektu adierazgarri baino gehiagoren bitartez: pintura, eskultura, marrazkia, argazkigintza, zinema, collagea, arkitektura edo altzarien diseinua.

Emakumeak zinema zuzendaritzan lekua egin eta pertsonaia femeninoen erreferente berriak agertu izanak izan duen eragin zuzen eta errealaren inguruan egiten du hausnarketa; eta azpimarratzen du horrek zein eragin duen neskatoen eta emakumeen autopertzepzioan, eta, ondorioz, gizarte osoan ere.

Emakumezko aktore talde bat eta zuzendari bat eraikitzen ari diren etxe batean astebetez bizitzen. Bat-bateko fikzioak, karaokea eta zinema. Film baten bilaketa helburu gertagaitz gisa. Sororitatea, barreak eta sorkuntza kolektiboa, emakume talde honen lanbideari eta sortze prozesuari buruzko esperientzia-filma sortzeko.

Shinnosuke eta bere lagunak elkarren atzetik jolasten dira Kasukabe hiri osoan zehar, jakin gabe handik gutxira pelikula abentura bat biziko dutela. Lagun taldearen jakin-minak zinema zahar baten barnera eramaten ditu: Kasukabe Odeonera, non denboran eta espazioan bidaiatuko duten.

Gaizka Izagirre zinema eta telesail kritikariak gidatutako podcasta da "Klaketa". Euskal ikus-entzunezkoak ditu ardatz, eta atal bakoitzean film edota telesail bat da hizpidea. Bertan lan egindako protagonista bat gonbidatu dugu, izan aktore, zuzendari, makilatzaile, produktore, gidoilari... Elkarrizketatua sakonago ezagutzeko aukera duzu, bere ibilbidea, bitxikeriak edota anekdotak.

Bingen Mendizabalek, zinema musikako konpositoreak, Bernardo Atxaga idazlearen irudia ardatz duen dokumental baten soinu-banda osatzeko enkargua jaso du: "Atxaga: euskaldunen barne". Aspaldi, 2008ko krisi ekonomikoaren ondorioz, Bingenek zinemaren munduan apenas lan egiten zuela ikusi zuen, eta enkargu berri horrek gogora ekarri zuen, 80ko hamarkadatik gaur egunera arte Euskal Herrian zineman eta musikan izandako ibilbidea ekarri zion gogora. Hainbat lekukotasunen bidez, bizi izandako zurrunbilo artistikoa eta zinema eta musika munduan bidea egin zuten izen handi guztiak errepasatu zituen. Izen horiek belaunaldi baten mapa artistikoan jarri zituzten Euskal Herria eta bere kultura, eta hurrengoetarako eredu izan ziren. Errepaso horretan zehar, Bingen Mendizabalek benetan arrakasta zer den hausnartu du, geure bidea jarraitzea, alegia.

Gaizka Izagirre zinema eta telesail kritikariak gidatutako podcasta da "Klaketa". Euskal ikus-entzunezkoak ditu ardatz, eta atal bakoitzean film edota telesail bat da hizpidea. Bertan lan egindako protagonista bat gonbidatzen dugu, izan aktore, zuzendari, makilatzaile, produktore, gidoilari... Elkarrizketatua sakonago ezagutzeko aukera duzu, bere ibilbidea, eta aukeratutako filmaren bitxikeriak edota anekdotak.

Maddalen Arzallusek eta Xabier Sukiak aurkeztutako saioa. Gaurkotasuna eta gai sozialak jorratzeaz gain, egunero protagonista bat izango dute, eta kolaboratzaile zerrenda luzea.

Aktore bat eta zinemagile bat zinema-gidoi bat entseatzen ari dira. Gidoiak Maria Dolores Gonzalez Katarainek, Yoyes, 1980 eta 1985 artean Mexikon erbesteratuta zegoela, ETA utzi ondoren idatzi zuen egunkariko pasarteak jasotzen ditu. Gidoiak aurrera egin ahala, Yoyesen hitzetan beste emakume batzuen distirak eta erreferentziak azaleratzen dira: Ulrike Meinhof, Simone de Beauvoir, Rocío Díazescobar, Alexandra Kollontai, Tina Modotti. Bitartean, kanpoan ilundu egiten du.

2013an artistaren laurogeigarren urteurrena zela eta, Guggenheim Bilbao Museoak gure garaiko artista garrantzitsuenetako baten atzera begirako erakusketa berezia hartu zuen, arte garaikidean, musikan eta zinema esperimentalean leku nabarmena duen legenda bizia baita. Berrehun lan inguru dira, eta horien bidez, bisitariak Yoko Onoren unibertso artistiko poliedrikoa ezagutu ahal izango du sormenezko bost hamarkada baino gehiagotan zehar, berrogeita hamarreko hamarkadaren erdialdetik gaur egunera arte.

Elkarrizketa podcasta, baina, ez edonolakoa. Oier Aranzabalek pertsonaia baten etxera sartuko gaitu, berarekin solasean jardun eta istorio berriak kontatzeko. Sortzaileak, musikariak, aurkezleak eta zerbait interesgarria esateko daukan oro.

Abstrakzioaren historiaren beste ikuspegi bat ematen du, hastapenetatik 1980ko hamarkadara arte, arte plastikoak, dantza, argazkigintza, zinema eta dekorazio-arteak barne hartzen dituzten ehun emakume artista baino gehiagoren lanen bidez. Analisi kronologiko baten bidez, erakusketak agerian uzten ditu artistak ikusezin bihurtzera eraman zituzten prozesuak, eta abstrakzioaren historia markatu zuten zenbait mugarri aipatzen ditu. Aldi berean, kanon estetikoak zalantzan jartzen ditu, berri bat definitu gabe.

Kultura solidarioak edozein arlotatik bizitzarekin dugun konpromisoarekin du zerikusia, gizartearen lana eta jarrera da; gai honi buruz hitz egin dugu Zaporeak Gobernuz Kanpoko Erakundeko Txato Arcerekin. "Anora"k Oscar sarietan lortutako garaipenak lurralde honetan egiten den zinema independientera hurbiltzen gaitu eta ikus-entzunezko proiektu bat aurrera ateratzeko zailtasunetaz, Katixa de Silvarekin aritu gara. Gainera, José Miguel Jimeno Mateo margolaria gogoan dugu eta ARCOra hurbildu gara.

Jaio berria da Vitoria–Gasteiz Araba Film Commission, filmaketa zinematografikoak errazteko batzordea. Industria hori asko hazi da azken urteotan, eta ikusi du lurralde hori zinema-ekoizleek eta zuzendariek gutiziatutako lekua dela. Mintxo Cemillán eta Carmen San Esteban Sonia Pacíos sortzaile, kudeatzaile eta ekoizlearekin eta Fernando Lopez Castillo zuzendari eta gidoilariarekin jardun dira hizketan. Diotenez, eszenatoki ugari eta aberatsak dituen lurralde batean elkartu behar da. Araba munduari erakusteko erakusleihoa.