Artxiboa

Bi neska diru gabe daude, eta beren arazo ekonomikoen konponbidea aurkitu dutelakoan daude beren pisua mutil gazte batekin partekatzea erabakitzen dutenean. Gazte hau, ordea, ez da Rockefeller aberats bat, eta hiru protagonistek gorabehera ugari biziko dituzte berehala estuasun ekonomikoen ondorioz, ikus-entzuleei barre-algarak sortuz.

Alfie Britainia Handiko hezkuntza-sistemak inoiz izan duen maisurik txarrena da; haur bat gehiago balitz bezala da. Eskolako zuzendariak, Fraserrek, zoritxarrez Alfie bezain atsegina izan nahi du. Gulliver andereñoa biologiako irakaslea da eta Alfiek gustokoa du. Biziki arduratzen da eskolaz eta ikasleez. Pickwell zuzendari laguntzailea da, bere lankide gazteenak jasan ezin dituen eskola zaharreko irakaslea.

Bean jaunak arazoak ditu eguneroko zeregin sinpleenak osatzeko, baina bere pertseberantzia eta baliabideei esker, sarritan, arazoak konpontzeko modu bitxiak aurkitzen ditu.

Hogei urte pasa ondoren, Jose Lontxo, Idoia eta Jaionek elkar topo egingo dute. Hiruren bizitzek joan-etorri ugari izan badute ere, funtsean orain dela 20 urteko berberak dira. Bizitzak emandako muturrekoek, eta, batez ere, krisi gorriak elkartuko ditu berriro. Eta berriz ere aurre egin beharko dizkiete eguneroko tirabirei, etxe berberean bizi beharko dutelako, Jose Lontxok Antiguon duen etxean.

Euskal ikastetxe bateko irakasle taldearen xelebrekeriak biltzen dituen telesaila.

Dokumentalak azken 120 urteetan galiziarrek Euskadira egindako emigrazioa eta bi kultura zaharren arteko harreman estua azaltzen du. Auzotarren, sortzaileen, musikarien, kazetarien eta historialarien testigantzen bidez, Galizia eta Euskadiren arteko historia partekatua berreraikitzen da. Parte-hartzaileen artean daude, besteak beste, Ibai Muñiz, Mercedes Carreira, Anxo Deive, Xabier Amuriza, Kepa Junkera, Rosa Orellana, Dani Álvarez, Kaki Arkarazo eta zuzendaria, Davide Cabaleiro.

Angulak saltzen dituzten bi anaiek erosle atzerritar bat behar dute negozioak egiteko eta, horretarako, Kubara joatea erabakitzen dute.

Dinosauroak duela urte ugari desagertu baziren ere, uharte misteriotsu batean oraindik ere bizi dira. Joy eta bere aitite Georgek bakarrik daukate irla horren berri. Dinosauroen hirian, gainera, bost dinosauro ausartek osatutako erreskate taldea ere badago, arriskuan dauden dinosauroei laguntzeko. Rex taldea edonora joateko eta edozein momentutan, arriskuan dauden dinosauruei laguntzeko prest dago.

Kima eta Amik lehengusuak dira. Kimak gehien maite duena da lehengusuaren etxera joatea, baserrira. Amikek gehien maite duena da lehengusinaren etxera joatea, hirira. Kima alderantziz irakurtzen baduzu, Amik aterako zaizu. Izan ere, izenetik bertatik ikusten da Kimak eta Amikek ia beti kontrakoa nahi dutela. Baina ia beti aurkitzen dute modua bien artean jolasteko eta ondo pasatzeko. Ez da beti erraza izaten, ordea, gurasoek bi umeentzako planak egiten dituztenez eta batetik bestera korrika eta presaka joan behar izaten dutenez, jolasak etengabe asmatu eta birrasmatu behar izaten baitituzte. Baina horixe da Kima eta Amiken dohairik handiena, edonon eta edonola jolasteko gaitasuna.