Artxiboa

Xabier Madariagak aurkeztutako elkarrizketa-saioa da Ur Handitan. Euskal gizarteari gehien kezkatzen dioten gaiak aztertzen dira bertan. Hainbat pertsonari egindako elkarrizketen bidez, atal bakoitzean lantzen diren gaiak ezagutarazten saiatzen dira. Zortzi denboraldi horietan, LGTBIQ+ eskubideak, osasun mentala, kirola, minbizia, sexua, matxismoa edo kultura landu dituzte, besteak beste.

Alaitz Ochoa de Eribek eta Ana Galarragak gidatzen dute "Uhin Ultramoreak" zientzia eta teknologiari buruzko podcasta. Bertan, zientziaren dibulgazioa berdintasunaren ikuspegia ahaztu gabe egiten da. Maiz, zientziaren arloan ezkutuan geratu den emakumearen ikuspegiari arreta berezia jarri nahi diote Elhuyarreko bi dibulgatzaileek.

Xabier Madariagak aurkezten duen erreportaje saioa. Hurbileko ikuspegitik, programak testigantza eta bizipen pertsonalak biltzen ditu, gizartearentzat interesgarriak diren hainbat gai ezagutarazten.

Bost neraberen gorabehera itogarri, nahasi, neketsu eta ederrak: harremanak, sexua, eskolako notak, Interneteko bizia, familiaren presioak, arriskuak...

Alberto Santanak gidatutako dokumental sail honek Euskal Herriaren historiari buruzko ikerketa eta aurkikuntzaren bidaia bisuala izan nahi du, ikerketa zientifiko berrienen argitan.

Donostiara ikastera edo lanera etorri diren hamar gazteren gorabeherak dakartza telesaila honek.

Gure garaiko artista garrantzitsuenetako baten ibilbide osoa erakusten du dokumental honek. Jenny Holzerren lana hizkuntzaren ingurukoa da. Testu kategoriko eta ebakitzaileekin, artistak giza existentziaren funtsezko elementuak jorratzen ditu, boterea, indarkeria, sinesmenak, memoria, maitasuna, sexua eta heriotza barne. Erakusketa honek obra berriak aurkezten ditu, hala nola, Museoaren fatxadan argi-proiekzio batzuk.

Lau ataleko dokumental serie honetan zuzenean solastuko dira nerabeak, haien gurasoak, porno industriako profesionalak eta sexu-hezkuntzako adituak. "Generación Porno" saioak guraso eta seme-alaba nerabez osatutako Katalunia, Euskadi eta Madrilgo lau familiaren aparteko testigantzak jasotzen ditu. Atal bakoitzak premisa bat du ardatz eta bertan, gazteen sexu-heziketan gaur egun agertzen diren arazo, mito eta gabezietako batzuk azpimarratuko dira.

Soto eta Zeberio, bahitu, torturatu, hil eta desagerrarazi egin zituzten. Diego Lazkano idazleak gogoan betiko txertaturik daramatza bi lagunak, ezin ditu oroimenetik uxatu. Bi itzal haietatik elikatzen ari da hogeitaka urtetan, Soto eta Zeberioren ordez bizi ote den zalantzarekin, haien ordez bizitzea balitz bezala bere erantzukizuna. Bizitza bakarrean hiru bizitza bizitzea posible balitz bezala. Norbere larrutik ihes egin eta larru berri bila itsumustuan dabilenaren desafioak, korapiloak, menturak kontatzen ditu Harkaitz Canok nobela honetan. Errua, maitasuna, traizioa, sexua, indarkeria, lotsa, justizia, erredentzioa, usurpazioa, antzezpena... asko dira kontakizun laster eta zabal honetako hariak, baina denen gainetik nagusitzen da adiskidetasunari egindako kantua.

Bi gazte diskoteka baten iluntasun zaratatsuan erakarrita sentitu eta komunean tenperatura igotzen da. Sexuaren unerik gorenean ordea, "itsatsita" geratuko dira. Larrialdietan eta elkar ezagutzera kondenatuta, euren bizipenaren berri emango dute sareetan. Umorea, tentsioa, musika, konfesioak, bizitza... Pantailara ITSATSITA utziko zaituen musikala!

Siri eta David Suediako bikote bat da; Londresen daude, ikasten eta lanean, hurrenez hurren. Gau batean, parrandan, Camille ezagutzen dute, beren adineko frantses bat. Festaren amaieran, alkoholak eta drogek bultzatuta, hirukote bat egiten dute. Egoera zirraragarri eta berri horrek kolokan jarriko du Siri eta Daviden ordura arteko harreman egonkorra. Datorkien emozio uholdeari aurre egiten ikasi beharko dute.

Nina eta bere lagun nerabeen istorioa kontatzen du. Denek sexuaren mundua ezagutu berri dute, eta nerabezaroan bizi ohi diren arazoak sentituko dituzte. Ninak arazo bat dauka: sexu-harremanak izan nahi dituenean, blokeatu egiten da. Izenburuak birjintasuna galdu aurreko bost minutuei egiten die erreferentzia. Minutu horietan da Nina urduritzen den unea. Hori konpontzeko, bere barne-mundua eta inguruan daukan errealitatea ulertu beharko ditu.

Nola bizi dezakegu sekretu batekin? Nola bizi dezakegu araua bete dezaten guretzat hautatu dituzten genitalekin, jaiotzean kirurgikoki berreraiki dizkigutenekin? M-k 27 urte ditu eta Frantzian bizi da. Han, intersexualitatea oraindik ere tratatu eta konpondu beharreko patologia gisa ikusten da. Haren zati integral hori, ordea, tabua da.

Alfie Britainia Handiko hezkuntza-sistemak inoiz izan duen maisurik txarrena da; haur bat gehiago balitz bezala da. Eskolako zuzendariak, Fraserrek, zoritxarrez Alfie bezain atsegina izan nahi du. Gulliver andereñoa biologiako irakaslea da eta Alfiek gustokoa du. Biziki arduratzen da eskolaz eta ikasleez. Pickwell zuzendari laguntzailea da, bere lankide gazteenak jasan ezin dituen eskola zaharreko irakaslea.

Belaontzi bat hiru pertsona dituela itsasoratzen da, bi emakume eta gizon bat, triangelu bitxi bezain misteriotsu bat osatuz. Itsas zabaleko bainuak, gaueko elkarrizketak eta tentsio sexualak izango dituzte, eta nabigazioa insomnio sukartsu batek eta askatasun beharrak gidatuko dute.

Hiru historia dira, gaztaroko hiru etapatan dauden hiru gaztetxorenak. Sofiak 16 urte ditu, eta haren bideo bat zabaldu dute sexu-harremak izaten festa batean. Marc, 18 urtekoa, haur-pornografiako konplot batean nahastuta geratu da adingabeen irudiak zabaltzeagatik. Eta Adari, 12 urte, estortsioa egiten diote web porno bateko bere irudiak kentzearen truke.

Euskal ikastetxe bateko irakasle taldearen xelebrekeriak biltzen dituen telesaila.

"Harpa jotzen", umorezko "pozkasta", Mirari Martiarena eta Idoia Torregarai umore biko ezagunak gidatzen du. Atal bakoitzeko, gonbidatu ezagun bat elkarrizketatzen dute, eta gai jakin baten inguruan aritzen dira berarekin. Gure gizartean, barrea eta umorea falta direlako eta beharra dagoelako proposatzen dute dosi txiki hau.

Josu arrebaren etxera itzuliko da Gabonetan. Aitonaren iraganeko sekretu batek arrebarekin eta aitonarekin duen harremantzeko modua birpentsatzera bultzatuko du.

Zientzia eta teknologia ardatz dituen saioa, Iñaki Leturiak aurkeztuta.

Zientzia eta teknologia ardatz dituen saioa, Iñaki Leturiak aurkeztuta.