Artxiboa

Euskara ikasteko gune txikia da, eta INGURAren parte da. INGURA HABEk helduak euskalduntzeko sortutako online ikaskuntzarako plataforma digitala da.

Bridget Jones hogeita hamar urte inguruko gaztea da, Londresen bizi da, eta argitaletxe batean egiten du lan. Gauak bakarrik pasatzen ditu, sofaren, telebistaren, edariaren, zigarroen eta gehiegizko kiloen ondoan. Bere familia, beti bezala, senargai batekin ahaidetu nahian dabil, oraingo honetan Darcy jaunarekin, baina lehenengo topaketa ez da batere ona.

Mark Darcy utzi ondoren, Bridget Jones konturatu da haurdun dagoela. Berrogei urte bete berri ditu, eta ezkongabea da berriro. Albiste-ekoizle gisa egiten duen lanari ekin dio, eta lagun zaharrez eta berriez inguratu da.

Kalorien aurka eta bere buruaren aurka borrokatu ondoren, hogeita hamar urte inguruko neska zalantzati eta zalantzatiak maitasuna aurkitu du. Bridget Jones ezkongabetasunaren benetako ikurra da. Orain zoriontsu da, duela sei astetik Mark Darcy abokatu lerdenaren neska-laguna baita.

Angel Pelaez oso jeloskorra da. Istripu batean besoa eta Ritz hotelean zerbitzari lanak galdu zituenetik, Remek, bere emazteak, bere bizitzan gurutzatzen diren gizon gehienekin traizio egiten diola imajinatzen pasatzen du eguna. Harakina, maitasun nobelak irakurtzeko gomendioa egiten dion liburu-saltzailea, butano-banatzailea edo ginekologoa: gizon guztiak dira Angelen irudimen oinazetua zauritzen duten maitale potentzialak.

Irunek, joera hipokondriakoak dituen emakume dudatsu eta bakarti batek, herri industrial baten kanpoaldeko fabrika batean egiten du lan. Iruneren bizitza ezagunen zirkulu txiki batera mugatzen da: bere lankideak, adiskidea edo halako zerbait den bizilagun bat eta inoiz hartzen ez dituen trenen ordutegiak kontsultatzen dizkion Renfeko leihatilako pertsona. Iruneren oreka hauskorra apurtu egingo da bularrean koskor bat detektatzen diotenean eta, aldi berean, lan-gatazka bati aurre egin beharko dio. Orduan, emakumearen bizitzak ustekabeko norabide bat hartuko du: baliteke ez jakitea, baina betitik itxaron duen aukera izango du.

16 urteko Rae neska gizenak gazte normal bat izan nahi du. Lau hilabete psikiatrikoan igaro ondoren, benetako mundura egokitu ezinik dabil. Raek terapia-saioekin jarraitu behar du, baina bere terapeuta berria, Kester, orain artekoak ez bezalakoa da: lasai husten du bere barrena Raeren aurrean.

Danielek 40 urte ditu, eta etxe onekoa denez bizimodu erosoa darama. Sarri Madrilgo gay auzora joaten da lagunekin, mutil ederren bila. Azkenaldian gehienak atzerritarrak dira, batez ere eslaviarrak. Egun baten Kyril ezagutuko du Danielek, 23 urteko bulgariar xarmangarria, eta berataz itxuragabe maiteminduko da.

Shaun artalde xelebre bateko liderra da. Ardi guztiak, eta Shaun bereziki, gai dira gizakiok egiten ditugun gauzak egiteko: futbolean edo golfean aritzeko... Bitzer txakurra izango dute zeregin horietan lagun.