Artxiboa

Xabier García Ramsden kazetariak gidatutako esperimentu soziologiko berri bat da, elkarrizketara eta hausnarketara gonbidatzen duena. Astero, bi lagun afaltzera eseriko dira elkarrekin, erabat ezezagunak eta gai jakin bati buruzko iritzi guztiz kontrajarriak dituztenak. Elkarrizketen bidez, eztabaidatu, konektatu, urrundu eta hunkitu ere egingo dira. Afalorduan zehar, tablet batek galdera oso zuzenak botako dizkie, eta ez beti erosoak. Horrela, haurdunaldi subrogatuari, abortuari, eutanasiari edo ezkontza ez-monogamoari buruz zer pentsatzen duten partekatu beharko dute.

Xabier García Ramsden kazetariak gidatutako esperimentu soziologiko berri bat da, elkarrizketara eta hausnarketara gonbidatzen duena. Astero, bi lagun afaltzera eseriko dira elkarrekin, erabat ezezagunak eta gai jakin bati buruzko iritzi guztiz kontrajarriak dituztenak. Elkarrizketen bidez, eztabaidatu, konektatu, urrundu eta hunkitu ere egingo dira. Afalorduan zehar, tablet batek galdera oso zuzenak botako dizkie, eta ez beti erosoak. Horrela, haurdunaldi subrogatuari, abortuari, eutanasiari edo ezkontza ez-monogamoari buruz zer pentsatzen duten partekatu beharko dute.

Mikel (Imanol Arias) euskal gazte ezkondua, farmazialaria eta ezkerreko militantea da, eta egun batean bere homosexualitatea ezagutuko du, bere matrimonioa egoera gaindiezin bateraino hondatu ondoren. Bere sexualitatea onartu ondoren, Mikel Madrilera joango da gay jaigune ospetsu bat bisitatzera. Bertan, Fama (Fernando Telletxea) ezagutuko du. Trabesti ospetsua da eta harreman sentimentala hasiko du. Mikel arrazoi ezezagunengatik hiltzen denean, ezker abertzaleko kideek arma politiko gisa erabiliko dute haren heriotza.

Nola bizi dezakegu sekretu batekin? Nola bizi dezakegu araua bete dezaten guretzat hautatu dituzten genitalekin, jaiotzean kirurgikoki berreraiki dizkigutenekin? M-k 27 urte ditu eta Frantzian bizi da. Han, intersexualitatea oraindik ere tratatu eta konpondu beharreko patologia gisa ikusten da. Haren zati integral hori, ordea, tabua da.

“Kenyako neska onak Kenyako emazte on bihurtu dira”, baina Kenak eta Zikik zerbait gehiago nahi dute. Familiek lehia politikoa izan arren, neskek ez dute etsitzen eta elkarren ondoan mantentzen dira, elkarri lagunduz beren ametsak gizarte kontserbadore batean jazartzeko. Maitasuna beren artean loratzen denean, bi neskek zoriontasunaren eta segurtasunaren artean aukeratu beharko dute.

Josu arrebaren etxera itzuliko da Gabonetan. Aitonaren iraganeko sekretu batek arrebarekin eta aitonarekin duen harremantzeko modua birpentsatzera bultzatuko du.

Emozioz eta sentimenduz betetako saioa da, gazte eta gurasoentzat adibide eta eredugarri diren LGTBIQ+ komunitateko 10 pertsonen bizipenak oinarri izango dituena. Eremu publiko batean, sofa gorri batetik, protagonistek armairutik noiz eta nola atera ziren kontatuko dute, eta kontakizun horietan euren senide eta lagunak bidelagun izango dituzte, egoera hura nola bizi izan zuten kontatzeko eta bide horretan ikasi dutena azaltzeko.

Auzoko emakumeen futbol txapelketa baten hasieraren zain daude Las Indomables futbol taldekoak. Itxaronaldian mota guztietako ekitaldiak gertatzen dira, baina garrantzitsuena han dagoenarekiko pasioa da: futbolean kosta ahala kosta jokatzea.

Ibrahim, 16 urteko marokoko mutila, hiriaren kanpokaldeko errepide batetik doa oinez, bakarrik dago, desorientaturik. Badaki bi egun barru herrialdetik botako dutela, beraz, bere motxila hartu eta badoa ihesi. Ez dauka nora joaterik. Diskoteka batean Rafa, 14 urteko mutila, urduri dago, neskak beragandik espero duena emateko ez bait da kapaza sentitzen. Ibrahim eta Rafaren bideak elkargurutzatu eta batak bestearengan izango duen eragina hain izango da handia, kontrolatu ezin ditzaketen sentimenduak haziko direla beraien artean.

Ander, berrogei urte inguruko baserritar bat, bizikleta fabrika bateko langile postuaren eta baserriko nekazaritza lanen artean bizi da ama eta arrebarekin batera. Istripu bat izango du, eta hanka bat hautsiko du; hori dela eta, familiak, amaren errezeloak gorabehera, perutar etorkin bat kontratatzea erabaki du, Jose, baserriko lanak egiteko. Joseren etorrerak etxeko bizitza eta Anderren bizitza aldatuko ditu, izan ere, ezagutzen ez zituen sentimenduak sortzen hasiko zaizkio, eta barne-gatazka handia sortuko zaio.

Axun, 70 urteko emakumea, alabaren senar ohia zaintzera joango da ospitalera. Bere ezusterako, ondoko gaixoa zaintzen duen emakumea Maite da, nerabezaroko lagun mina. Axolagabe dibertitzen dira elkarrekin, Axun Maite lesbiana dela jabetzen den arte.

Gabriel eta Andy bikoteak haur bat adoptatu dute. Baina Gabrielek istorio bat du atzetik eta bere burua aurkitzeko bidaia bati ekin behar dio aitarekin duen harremana konpontzen saiatuz, 7 urte dituen Jake benetan hezten hasi aurretik.

Aniztasunari eta tolerantziari buruzko bi kapituluko serie dokumentala da Genderless, eta generoa ez dela kontu bitarra erakusten du. Dena ez da gizon edo emakume, maskulino edo femenino izatearen artean banatzen.

Anjel Alkainek eta Jon Iraolak beraien umore ezagunarekin BBC kate britainiarraren "Smoogie Queens" reality show-a bikoiztu dute. Smoggie Queens adiskide talde bati buruzko komedia saio bat da. Dickie, Mam, Stewart, Lucinda eta Sal dira protagonistak, queer lagun-talde bat, eta maitasunari eta komunitate-senari buruzko telesaila da.

Sofia 17 urteko gazte brasildar bat da, txapelketa irabaztera doan boleibol taldeko burua. Ustekabean, haurdun dagoela konturatu eta haurdunaldia eteten saiatuko da. Abortua delitutzat hartzen duen Brasil bezalako herrialde batean, bere erabakiak auzitan jarriko du gizarteko sektore ultrakatoliko batzuen aurrean, baina bere aitaren zein taldekideen babesa jasoko du.

“Jone, batzuetan” Sara Fantova bilbotar zinema zuzendariaren film dramatikoa da. Bilbo, abuztu bete-betea. Jone aitarekin eta ahizpa txikiarekin bizi da. Joneren aitak lana utzi behar izan du, parkinsonaren ondorioz. Aldi berean, Aste Nagusia hastear da eta Jone lehen aldiz maiteminduko da. Maitemintze horrek eragindako hilezkortasun-sentsazioaren eta aitak bere gaixotasuna zeharkatzeko duen modu bereziaren artean biziko du Jonek uda. 2025ean aurkeztu zen filma, eta hainbat sari jaso ditu. Pablo Seijo musikariak sortu du filmaren soinu-banda.

Errenteria, 1977ko uda. Beak 16 urte ditu eta herrialdean zehar dabiltzan aldaketa-giroarekin bat egiten du. Besteak beste, emakume-talde batekin lan egiten du kausa feministaren alde eta abortatzen laguntzeko baldintza duinak lortzeko helbuarekin. Odolean sentitzen duen errebeldia ustekabeko sentimendu batekin nahastuko da, bere bizitza hankaz gora jarriko duena: bera baino zaharragoa den eta familia oneko neska batekin maiteminduko da. Beak ez du susmatzen neska enigmatiko honek, Mirenek, sekretu bat gordetzen duela, eta sekretu horrek helduen mundu mingarrian murgilduko duela.

Danielek 40 urte ditu, eta etxe onekoa denez bizimodu erosoa darama. Sarri Madrilgo gay auzora joaten da lagunekin, mutil ederren bila. Azkenaldian gehienak atzerritarrak dira, batez ere eslaviarrak. Egun baten Kyril ezagutuko du Danielek, 23 urteko bulgariar xarmangarria, eta berataz itxuragabe maiteminduko da.

Bikotearekin hautsi ondoren, Vicentek (76) gustuko duen bizimodua egiten hasten da Maspalomasen: eguzkia, parranda eta gozamena dira bere eguneroko jardunak. Baina istripu batek Donostiara itzultzera behartuko du eta han aspaldi abandonatu zuen alabarekin (Nagore Aranburu) elkartu beharko da. Vicentek zahar-etxe batean bizi beharko du eta bertan armairura itzultzera bultzatua sentituko da, konpondutzat zuen bere buruaren alde bat ezkutatuz. Egoera berri horretan, galdera bat nagusituko da: izango al du Vicentek aukera besteekin, eta bere buruarekin, bakeak egiteko?

Filmak Joneren (20) heldu bilakatzeko bidaia kontatzen du. Gazteak bere lehen maitasuna bizi du, eta, aldi berean, aitaren parkinsonaren ondorioak bizkortu egiten dira ustekabean. Bilboko Aste Nagusian, Olgarekin igarotzen duen hilezkortasun-sentsazioaren eta aitak bere gaixotasuna zeharkatzeko duen modu bereziaren arbuioaren artean biziko da Jone. Gertaera horiek direla eta, Jonek uda horretan jakingo du neskato bat izatetik heldu bihurtzera pasatzen ari dela.