Artxiboa

Lau ikus-entzunezkoz osatutako sorta da Goiena telebistak ekoiztutako Bizi Gipuzkoa, bertatik bertara saioa. Gipuzkoako lurraldetik irten gabe egiteko hamaika proposamen aurkeztuko dizkigu: padelean Oria ibaian, txakolina dastatu, mendi ibilaldiak, museoak...

Ramon Roteta eta Ander Gonzalezek euskal gastronomiaren errezeta eta plater tipikoak kozinatuko dituzte.

Euskarari buruzko saioa, Kike Amonarrizek eta Izaro Arrutik aurkeztuta.

Askotariko gaiak lantzen dituen tertulia. Jorratuko dugun arloan adituak diren gonbidatuekin solasaldia gidatuko du Ainhoa Ibañez kazetariak.

Datuetan kazetaritzan oinarrituta, immigrazioaren fenomenoa aztertu dugu, Goierri eskualdearen argazkia eskuratu nahian. Datuez gain, adituekin eta immigrazioaren protagonistenkin, etorkinekin beraiekin, izan gara. Tokikom Taldeak eta EITBk elkarlanean garatutako Saretzen proiektuaren baitan gauzatu da saio hau.

Joseba Arguiñanok Euskal Herria eta bertako gastronomia ezagutuko ditu, istorio familiar, dibertigarri eta bitxien bila.

Joseba Arguiñanok Euskal Herria eta bertako gastronomia ezagutuko ditu, istorio familiar, dibertigarri eta bitxien bila.

Euskal Herriko herri txikiak bisitatuko dituzte Mikel Pagadik eta Miren Nogalesek, "Herri txiki, infernu handi" esaera zaharra hankaz gora jartzeko asmoz. Zenbait herritar elkarrizketatu ostean, izandako esperientziaria buruzko bakarrizketa egingo dute euren aurrean.

Gertuko gastronomia, tokiko produktu eta ekoizleak, eta gure herrietako azokak. Zero kilometroko saioa, Aitor Buendiak gidatuta.

#Km0 kontzeptua gastronomian (sasoiko eta hurbileko produktua) eta turismo iraunkorra, Slow Food mugimenduaren filosofiari jarraituz eta gure ekoizle txikiak ikusaraziz.

Zesta puntako Eusko Label Winter Series txapelketako partidak.

Euskal Herri osoko hainbat bazter eta txokotako airetiko irudi ikusgarriak, helikoptero batetik eginak. Ikusten duguna ez da irudi-sorta polit bat besterik gabe, gure herriaren errealitate historiko eta soziala irudikatzen saiatzen baitira, kutsu poetikoa duten azalpenez lagunduta.

Euskal Herri osoko hainbat bazter eta txokotako airetiko irudi ikusgarriak, helikoptero batetik eginak. Ikusten duguna ez da irudi-sorta polit bat besterik gabe, gure herriaren errealitate historiko eta soziala irudikatzen saiatzen baitira, kutsu poetikoa duten azalpenez lagunduta.

Dokumental sorta hau osatzen duten atal ugarien bidez, Euskal Herria ardatz duten gai, pertsonaia, toki eta ohitura ugari aurkezten zaizkigu.

Joseba Arguiñanok aurkeztutako sukaldaritza saioa. Atal bakoitzean gonbidatu berezi batekin aritzen da sukaldean.

"Geldiezinak" erreferentziazko emakume kirolariak hobeto ezagutzera emateko podcasta da.

Rita eta Berta lapurrak dira. Auto gorri zahar bat bidelagun izanik, inguruko bazterrak nahasten dituzte beraien egunerokotasunean aurkitzen ez duten adrenalina bilatzeko asmoz. Zoritxarrez gorakada guztiek beherakada bat ere badute. Bertak aldaketa bat behar du eta erabaki bat hartu du.

EITBko "Irabazi arte" telesaileko bi kidek podcast bat sortu dute emakumezko kirolari eta kirolzale erreferenteak bertatik bertara elkarrizketatzeko. Arene (Sua Enparantza) eta Nora (Nahia Sillero) dira podcasterrak, aurreneko bi denboraldietan eta Arene eta Olatz (Ainhoa Azpitarte) azkenekoetan, Learoko jokalariak hirurak. Nerabezaroko atrebentziaz luzatzen dizkiete galderak gonbidatuei.

EITBko "Irabazi arte" telesaileko bi kidek podcast bat sortu dute emakumezko kirolari eta kirozale erreferenteak bertatik bertara elkarrizketatzeko. Arene (Sua Enparantza) eta Nora (Nahia Sillero) dira podcasterrak aurreneko bi denboraldietan eta Arene eta Olatz (Ainhoa Azpitarte) azkenekoetan, Learoko jokalariak hirurak. Nerabezaroko atrebentziaz luzatzen dizkiete galderak gonbidatuei.

Emozioz eta sentimenduz betetako saioa da, gazte eta gurasoentzat adibide eta eredugarri diren LGTBIQ+ komunitateko 10 pertsonen bizipenak oinarri izango dituena. Eremu publiko batean, sofa gorri batetik, protagonistek armairutik noiz eta nola atera ziren kontatuko dute, eta kontakizun horietan euren senide eta lagunak bidelagun izango dituzte, egoera hura nola bizi izan zuten kontatzeko eta bide horretan ikasi dutena azaltzeko.