Artxiboa

50eko hamarkadako dotoreziaren eta glamourraren aurrean, Espainiako Estatuan Francoren diktadurak kontrol zorrotza zuen urte ilunak izan ziren. Lehen pertsonan kontatutako istorio anonimoekin, garai hartan bizi izan ziren gizon eta emakumeen oroitzapenak gogora ekartzea izango du helburu dokumentalak, baina baita harritzea ere, eta ziurrenik urte haiek bizi izan ez zituzten eta aztertuko diren alderdi asko ezagutzen ez dituzten belaunaldi asko dibertitzea.

50eko hamarkadako dotoreziaren eta glamourraren aurrean, Espainiako Estatuan Francoren diktadurak kontrol zorrotza zuen urte ilunak izan ziren. Lehen pertsonan kontatutako istorio anonimoekin, garai hartan bizi izan ziren gizon eta emakumeen oroitzapenak gogora ekartzea izango du helburu dokumentalak; baina baita harritzea eta, ziurrenik, urte haiek bizi izan ez zituzten eta aztertuko diren alderdi asko ezagutzen ez dituzten belaunaldi asko dibertitzea ere.

Espainiako Gerra Zibilaren ondorioz, 32.000 haur inguruk euren etxeak eta familiak utzi eta erbestera joan behar izan zuten. Herrialde hartzaileak, funtsean, Frantzia, Erresuma Batua, Belgika eta Sobietar Batasuna izan ziren. Hasiera batean hiru hilabeteko behin-behineko irteera izan behar zuena, erbeste luze bat bilakatu zen, urteetakoa askotan. Gainera, Gerra Zibiletik ihesi, Bigarren Mundu Gerrarekin egin zuten topo, eta, horrekin batera, estutasunez eta sufrimenduz beteriko garai penagarriekin. Batzuk itzuli ziren, beste batzuk ez.

Javik, bederatzi bat urteko mutikoa, hiriaren kanpoaldean dagoen etxe zahar handi batera eraman du Carlos bere laguna. Han, Javiren anaiak kontatzen dienez, pasiozko krimen bat egon zen, eta hildakoen ahotsak etxeko sotoan entzun daitezke. Etxe huts hau inguratzen duen misterioa bilaketa eta ikasketa baten hasiera da, Javiren begiradaren bidez ezezagunarekiko beldurra eta lilura erakusten duena.

Gerra ostean girotutako iraganeko telesail honen ardatza Comette Sarea da, Bigarren Mundu Gerran Europako lerroetan jausten ziren hegazkin gidari ingelesak, euskaldun mugalarien laguntzaz, beren jatorrizko herrietara bidaltzeko eratu zen nazioarteko sarea.

Gerraostean girotutako telesaila. II. Mundu Gerran etsaien lurraldean eraitsitako hegazkinlari ingelesen ebakuazio klandestinoa du ardatz. Red Comète klandestinoak Alemaniako armadaren lerroetatik harago Ingalaterraraino eramaten zituen hegazkinlariak, kontrabando-bide klasikoetatik franko-espainiar mugako pasabide delikatua zeharkatuz.