Artxiboa

Ohorezko Maila-ko partida, Athletic Club eta SD Leioa artean, 3. Zelai, Lezama zelaian jokatutakoa, 2025/12/14an.

18. jardunaldiko partida, Gazteak Ohorezko maila-ko txapelketakoa, Athletic Club eta Danok Bat artean jokatutakoa, 2026/01/31n.

Errege kopa Finala 2024: Athetic Club vs Mallorca (berremanaldia)

Aritz Adurizi buruzko dokumentala. Baloiarekin eta ingurukoekin izandako harremana islatzen du lanak, gertu izan dituenen testigantzekin.

1913ko abuztuaren 21eko San Mames futbol zelaiaren inaugurazio partidaren irudiak. Partida Athletic Clubek eta Real Racing Irunek jokatu zuten. Gertaera horren inguruan, mugimenduan dauden irudi bakarrak dira. Juan Carlos Irizarrek musikatutako bertsioa da.

Kirolaren emozio guztia Radio Euskadin: zuzeneko kirol emankizunak, elkarrizketak eta erreportaiak.

San Mames futbol zelaiaren mendeurrenaren harira, bere historian barrena bidaia magikoa proposatzen digu dokumental honek. Egitura berritzailea du gainera, talde zurigorriaren historiako hainbat pasarte birsortu baititu aktore eta figuranteen bitartez. Izen handiko protagonistei egindako elkarrizketak ere tartekatuko ditu.

1980ko maiatzaren 30ean omenaldia egin zitzaion Jose Angel Iribarri San Mamesen, Athletic Club eta Real Sociedad taldeek jokatutako partidarekin batera. Atezainak euskarazko kirol-hiztegi bat egiteko eman zuen partida horretan bildutako dirua. Uzeik argitaratu zuen hiztegi hori 80ko hamarkadaren hasieran, eta kazetari eta euskaltzale ugarik parte hartu zuten hiztegia prestatzeko prozesuan. Antxon Ezeiza zinema-zuzendariak Ikuska dokumentalak argitaratu zituen garai berean, zine-formatuan. Iribarren ekarpenari esker, ezagutzera eman ziren Mendia eta euskara, Arrauna eta euskara eta Futbola eta euskara film laburrak. Berrogei urte geroago, azken pelikula horretaz gozatzeko eta gaur egun euskarak kirolean duen egoeraz hitz egiteko aukera izango dugu.

Dokumental honek Athletic 1982-1983 Ligako txapeldun izendatu zeneko 25 urteak oroitarazten ditu. Tituluaren ospakizuna kontatzen da, Getxotik Bilborako bidea gabarran eginez, itsasontziz inguratuta eta itsasadarraren bi ertzetatik milioi bat pertsona baino gehiagok animatuta.

Dokumental honetan, Gaizka Toquero futbolariaren karrerari buruz hitz egingo dute protagonistaren lagunek, familiak eta bere ibilbide profesional osoan zehar izan dituen entrenatzaile eta taldekide batzuek.

Joseba Etxeberria dokumentala: oilarraren azken kantua. Denboraldi honen amaieran botak zintzilikatuko dituen euskal jokalari onenetako baten kirol ibilbidea eta ibilbide pertsonala errepasatuko da.

'Hamaika andra zurigorri' izenburua dauka andrak Athletic Cluben arlo desbardinetan izan daben eragina eta ekarpena erakusteko eta balioan jartzeko sortu dogun ikus-entzunezkoak, "itzaletik argira" ekarteko. Lana lekukoen testigantzetan oinarritzen da, hori izan da informazino iturri nagusia. Horretarako 35 persona alkarrizketatu ditugu, 32 emakume eta 3 gizon. Belaunaldi desbardinetako personak dira, zaharrenak 102 urte eta gazteenak 19 dituela, eta euren testigantzek sasoian sasoiko egoerak erakutsiko dabez.

1976ko abenduaren 5ean Athleticen eta Realaren arteko derbian ikurrina atera zutenekoa oroitzen duen dokumentala. Egun hartan zer gertatu zen kontatzen du.

Los Williams film luze dokumental eta familiarra da, kirolari buruzkoa, Iñaki eta Nico Williamsek lehen pertsonan kontatua. Bi anaia futbolari, euskaldun eta beltzek (ghanatarren ondorengoak) euren historia harrigarria erakusten digute euren bizitzako bi urte erabakigarrienen bidez. Qatarreko Munduko Txapelketan bi selekziorekin parte hartu zutenekoa, 40 urteren ostean Athletic Clubek Errege Kopa irabazi zuenekoa, Nicok Eurokopa irabazi zuenekoa, etab. Nazioarteko bi izar, euren iraganarekin eta etorkizunarekin aurrez aurre, bizitza markatu dien gatazketan zehar: arrazakeria, nortasuna, frustrazioa, anbizioa eta arrakasta.

Errege Kopako programa bereziak. Bilduma honek Athleticen eta Realaren arteko finalerdiei —joanekoa eta itzulikoa— eta Kopako finalari eskainitako saioak jasotzen ditu. Atarikoak, partidaren jarraipena, ondorengo analisia, elkarrizketak eta erreportajeak biltzen dira.

2023. urtean, 80 urte bete ditu munduko atezainik onenetarikoak. Haren erretratu intimo eta sentitua egitearekin batera, hezur-haragizko pertsonarengan sakonduko du "Iribar, atezaina" ikus-entzunezkoak.