Artxiboa

Anjel Alkainen taldeak Euskadiko gizartearen eta telebistaren aktualitatea errepasatuko du umore zorrotzez eta barrea eragiteko asmoz.

Familia osoari zuzendutako saio umoretsua, arina eta freskoa. Anjel Alkainen taldeak sketch eta egoera dibertigarriak ekarriko ditu.

Aralarreko hamalau orduko ibilbideari buruzko erreportaje berezia, Aitor Elduain kazetariaren eskutik eta Anjel Alkainen umore ikutuarekin.

Astebururako plan desberdinak eta ekintzak egiteko alternatiba berriak proposatuko dituen umore saioa. Anjel Alkainekin batera, Mikel Laskurain, Ana Elordi, Ainere Tolosa, Jon Iraola, Egoitz Lasa, Mikel Pagadizabal Pagadi eta abar ikusiko ditugu.

Umorezko programa honek euskal gizartearen kezkak islatzen ditu pertsonaia eta egoera komikoen bidez.

Anjel Alkainek eta Jon Iraolak beraien umore ezagunarekin BBC kate britainiarraren "Smoogie Queens" reality show-a bikoiztu dute. Smoggie Queens adiskide talde bati buruzko komedia saio bat da. Dickie, Mam, Stewart, Lucinda eta Sal dira protagonistak, queer lagun-talde bat, eta maitasunari eta komunitate-senari buruzko telesaila da.

Brinkola mundutik aparte bizi den herria da, ez baitute inorekin inolako harremanik. Lehen trena bertatik pasatzen zen, baina kotxerak bertan egin zituztenetik, akabo herriko giroa.

Kepa eta Martin haurtzaroko lagun minak dira, txirrindularitza zaleak. Berrogeina urte inguru dituzte eta lan egiten duten enpresa bi urtez dabil langileekin gatazkan. Enpresa beste nonbaitera eramango duten zurrumurrua zabaldu da.

Hogei urte inguruko gazte donostiar bat, Juan Martin, urte batzuetan euskara euskaltegietan landu ondoren, Gipuzkoako herri txiki bateko baserri batera abiatuko da benetako euskara ikastera.

Josean Sagastizabalek izen berarekin argitaratutako eleberrian oinarrituta dagoen telesaila. Hogei urte inguruko gazte donostiar bat, Juan Martin hainbat urtetan euskara euskaltegietan landu ondoren, Gipuzkoako herri txiki bateko baserri batera abiatuko da, benetako euskara ikasteko asmoarekin.

Osakidetzatik kanporatutako sendagile batek gaixo mentalentzako eritegi bat irekitzea erabaki du. Horretarako erizain zital bat eta bere lanbideaz ezer ez dakien erizain lirain bat kontratatu ditu. Bere eritegia mota guztietako pertsonaiek bisitatu dute: babes bila dabilen gangster batek, basapiztiarik gabeko piztia-hezle batek, apaiz irudikor batek, piromano tutudun batek, ezkonberri batek, gerra bila dabilen militar batek, espekulatzaile batek, eta abar.

Aita-semeek egiten digute ipuin txiki eta soinu handien kontakizuna. Beraien etxeko sototik egiten digute, Danbor ezizena hartzen duen semea eta Txor-txor esaten dioten aitak.

Ekain Perezek musika egileak eta sortzaileak hostokatzen ditu podcast honetan. Berauen sorkuntza prozesuak, moduak eta musika gustuak hobeto ezagutu ahal izango dituzu atalez atal.

Eguna lasai amaitzeko, elkarrizketak eta musika hautaketa pertsonala.

Eguneroko elkarrizketak goizeko saioan.

Gaztean, Dj Makalaren eskutik, Boom Shaka Laka irrati showaren denboraldi berria. Beti bezala, bazter guztietako musika berri eta ez hain berriak, esklusiboak, aurrerapenak! Dastatzeko, deskubritzeko, gozatzeko, dantzatzeko! Boom Shaka Laka!!! Mundu osoko taupadak zure belarrientzat!