Artxiboa

Teresa neska alai eta urduria da. Jeloskor dago nebaz, uste baitu amak bere erruz ez diola jaramonik egiten. Egun batean Tim ezagutzen du, basoko iratxoa, udaberria sortzen ari ziren bitartean bere kideetatik banandu zena. Elkarrekin abentura pila bat biziko dituzte, ferianteak eta bere laguntzaileek harrapa dezaten saihestuz, hura erakustearen truke dirua lortzeko asmoz.

Amila bederatzi urteko neskatoa da eta jaio zenetik osasun arazoak izan ditu, baina azkenaldiko zorabioek eta buruko minek ospitaleratu egin dute, oraingo honetan luzerako. Ospitalean bere lagunik onenak ditu: Fede, Mai eta Tximas. Bitartean, mundu mitologikoan gorabeherak egongo dira, eta Tasuri gaiztoa Amila bahitzera joango da. Berak ez dakien arren, Amila da mitologiaren azkeneko lamia, Intza lamiaren eta gizaki baten alaba, eta bere urrezko orraziak boterea emango lioke Tasuri gaiztoari. Tasuriren mandataria, ordea, nahastu egingo da eta Mai eramango du Amilaren ordez. Une horretatik aurrera, Olentzero, Amila, Fede eta Tximas mundu mitologikoan barneratuko dira Mairen bila, baita urrezko orraziaren bila ere.

Lazaroren bizitzan sarri tartekatzen dira 'zoritxarra eta zorte ona', eta bere xalotasun inozotik abiatuta, bizirik irauteko sen ikaragarriaren jabe egingo da pixkanaka. Harrizko zezen baten adarkadak esnaraziko du munduaren gordintasunera, nagusi itsuak bere lelotasunetik aterako baitu amarru latz batez. Gero, Lazaro hor ibiliko da itsuarekin lehian, nork maltzurkeria handiago egingo elkarri. Denok ezagutzen ditugun pasarteak biziko ditu: mahatsondoarena, adibidez, edo ardo pitxerrarena. Eta azkenean mendekua hartuko du, harrizko zezenaren adarkadaren ordainetan, itsuari beste amarru bat eginez, eta han utziko du plaza baten erdian konorterik gabe, harrizko zutabe bat buruaz jo ondoren.

Chung-I Fly Asiako usoa, Paulov Europa Ekialdeko arratoia, Ramon Karibeko labezomorroa eta Tano kaleko katua etxegabeak dira. Miseriatik alde egitea dute amets, eta Norarekin topo egiten dutenean ametsa errealitate bihurtzeko aukera ikusiko dute.

Euskal matriarkatuaren ideia aspaldidanik egon da gure gizartean, baina nondik dator? Gizartearen isla da, ala gizartearen nahia?

Lur eta Ametsen gurasoek asteburu honetan ezkontza dute eta bikiak amona Andereren etxean utzi dituzte asteburu pasa. Baina Andereren eta bere katu Baltaxarren boterei esker, ez da asteburu arrunta izango. Bidaia batean murgilduko dira, garai eta sasoi desberdinetan abentura gazigozoak bizituz, gure historian zehar bidaiatuko dute. Beti izango dira beraiek protagonista, Andere eta Baltaxarren laguntza ordaingabearekin. Baina, tamalez, gaiztoak, sasoi eta garai desberdinetan, ia beti izango dituzte atzetik.

Menchu Gutiérrezen "El faro por dentro" eleberriaren bertsio librea. Etxe-aldaketetan ibiltzen den kamioia Igeldoko itsasargira doa. Txakur arraro baten jabe den emakumea bizi da bertan. Itsasargiaren barneko giro ilunean haluzinazio arraroenen protagonista bihurtuko da.

'Nire aitak ezkontza-eraztuna galdu zuen itsasoan, marinel guztiek bezala kendu eta katean zintzilikatzen zuen'

Ane bere jaioterrira itzultzen da bere aitonaren ustekabeko hiletagatik. Itzulerak bere familiako emakumeekin elkartze estua dakar. Dena arraro bihurtzen hasten da ehorztetxearen aldetik zenbait anomalia susmatzen dituenean.

Euxebiren aita bera jaio baino lehen hil zen fusilatuta. Laurogei urte geroago, hobia aurkitu dute. Hogei bat artista gazteren sormen elkarlanaren fruitua da Areka.

Talde-lan interesgarri honetan, 18 artistak Sistiagak bere film galduari buruz egindako narrazioa ilustratzen dute, fotogramen gainean osorik marraztutako lehen animaziozko film luzea, kamera beharrik gabe.

Helduentzako animazioa. Peluxezko hartz txikiz osatutako errejimentu batek bere kanpamendu militarra utziko du Oihan Magikoa salbatzeko, baina egitekoa, misioa, bataila tamalgarri batean amaituko da, .

Rafael Ruiz Balerdi artista donostiarrak Homenaje a Tarzán (Tarzani omenaldia) animaziozko film laburra egin zuen 1969an, zeinak «jarraituko du» hitz enigmatikoak zeuzkan bukaeran. Haren segida da Ehiza. Balerdiren proposamen estetikoari jarraitzen dio, baina hura inspiratu zuten filmen begirada kolonialistatik urrun, oraingoan gure errealitatearen gordintasuna islatzen da: jazarpena, indarkeria eta suntsiketa.

Ez dakigu ea lehen marrazkiak hondartzan adar batekin zirriborratu genituen, baina gogoan dugu, olatuak hurbiltzen ari zirela sentitzean, atzerapauso bat eman genuela, haien aparraren hotzak ukitu ez gintzan.

Animazio dokudrama. Ryszard Kapuscinskiren kontakizun autobiografikoa.1975ean Angolak Portugalgo kolonia gisa eman zituen azken egunak kontatzen ditu, eta deskolonizazio horren ondorio latzak kontatzen ditu. Zinemaldia: Publikoaren saria 2018

Santa Ageda bezperako ospakizuna baliatuta, jendea, bertsolariekin batera, etxez etxe ibiltzen da jai giroan makilen erritmoan bertsoak kantatzen. Maialen Lujanbio bertsolariak genero indarkeriaren salaketa gordina egiten du. Bertsoz bertso, gure gizartean horren txertatuta dagoen eta gainditu ezin dugun indarkeria matxistaren hainbat adierazpen salatzen dira.

Axel Baraboo hiriko gazte zalapartaria da. Egun batean, Bontas basoak hiria salbatuko duenaren ametsaldia izango du eta Bontas basora bidaiatzea erabakiko du Jono bere lagun lotsatiarekin batera.

15 urteko bigarren hezkuntzako ikasle adimentsu bat barnetegi batera transferitzen dute ustekabean. Bertan, beste dimentsio bateko munstroen atari bat irekiko du.

Vick eta hartzak iraganean harrapatuta geratzen dira, eta buruan gauza bakarra dutela diruditen animaliez inguratuta: jatea! Gure heroiak banantzen direnean, Briarrek Feifei, gerlari kementsu bihurtu nahi den otso gazte bat, ezagutuko du.

Albert mutil azkar eta lotsagabea da. Herri osoa beldurtuta du bere bihurrikeriekin. Egun batean, nahigabe, herriko monumentu ezagunena lurrera botako du, Leopoldus famatuaren estatua, globo hegaldietako kapitaina eta herriko heroia. Hanka-sartzea konpontzeko modu bakarra ikusten du Albertek, munduan barrena bidaiatu eta globo hegaldietako kapitain gisa itzultzea! Hori da mundu osoa berarekin harro egoteko bide bakarra!

Txikitan amak abandonatu zuen Shenxiu neskatoa familiako itsas bidaia batean murgildu da oporretan. Gau batean, itsasotik datorren dei bati jarraiki, itsaspeko zahar batean dagoen jatetxe dotore batean amaitu du. Han, zain egon gabe, aurkituko ditu bere eskaeren erantzunak.