Artxiboa

Maxek bere helburua lortu du: lehen untxi kaletarra izango da Pazko untxiek beren maisu eskolan onartuko dutena. Berak eta lagunek nork bere super boterea aurkitu beharko dute Pazkoa babesteko. Baina orduan inork espero ez zuena gertatu da: Pazko untxien ondasunik preziatuena, Urrezko arrautza, belztu egin da, eta horrek esan nahi du Pazkoa arrisku larrian dagoela! Izan ere, Leok, hiriko untxi talde bateko buruak, Pazkoa hondatu nahi du, eta azeri familia bat engainatu du arrautza guztiak lapurtzeko. Maxek aukera bakarra du Pazkoa salbatzeko: laguntza eskaini dion Ferdinand azeri txikiarekin indarrak batzea. Baina benetan fidatu ote daiteke untxi txiki bat azeri batekin? Agian etsaia besarkatzea da lagun bat egiteko modurik onena.

Maskotak ez ezik, gure familiaren parte diren animalien programa.

Raa Raa lehoiak eta bere oihaneko laguntxoek milaka abentura zaratatsu eta dibertigarri biziko dituzte.

Vick eta hartzak iraganean harrapatuta geratzen dira, eta buruan gauza bakarra dutela diruditen animaliez inguratuta: jatea! Gure heroiak banantzen direnean, Briarrek Feifei, gerlari kementsu bihurtu nahi den otso gazte bat, ezagutuko du.

Vincent katu gaztea Maurice izeneko sagutxo batekin elkartzen da piano zahar batean uholde batetik ihes egiteko. Marinel talde batek instrumentua jaso eta museora bidaltzen du. Hemen, Vincentek eliteko katuen eskuadroi bat ezagutzen du, urteetan karraskarien eta beste piztien maisulanak babesten aritu dena.

Dimitri, lur beroetara doan txori txiki bat, Ubuyun galtzen da ekaitz baten ondoren. Makeba jirafaren babespean oihaneko animalia ezberdinak ezagutzen joango da.

Oihaneko erregeak, Lehoi erregeak, erretiroa hartzea erabaki du eta, bere ondorengoari sinesgarritasuna emateko, Miss Fina kontseilariak eta berak hauteskundeak deitzea erabaki dute. Mangu, asto garbitzaile zoriontsu eta apal bat, ustekabean, hautagai nagusia izango da. Lehoi Erregearen legezko oinordekoa den Superbusi aurre egin beharko dio.

Hontza Jaunak, bere zuhaitzean eserita, goizero irakurtzen du "Fabulandiako kronikak", bertako egunkaria. Fabulandian gertatzen diren istorio zoragarriak eta, batez ere, bertako askotariko biztanleen ezbeharrak, eztabaidak, bizipenak eta emozioak kontatzen dira bertan.

Superbilau misteriotsu batek apar arrosa toxiko batez estali du oihana. Ura ukitzean lehertu egiten da aparra. Taldeari erreskatea deitu diote.

Txakur leial bat eta katu justiziazale bat bidaia espazial batean murgilduko dira etxerako bidea aurkitzeko.

Jeremy Super Karibu superheroia den elur-orein bat da, eta bere herrixka babestea du helburu. Herritarrak adiskidetasunean bizi dira, norberak bere bitxikeriak dituen arren. Besteak beste, udaletxean, plaza nagusian, ospitalean eta kafetegian sortzen diren arazoak konpondu beharko dituzte elkarrekin, beti ere, Jeremy superheroiaren laguntzaz.

Familia osoarentzako animaziozko abentura hunkigarri honek urre-txirri gazte baten historia azaltzen digu. Hegan ikasteko arazoak ditu; horregatik, negua heltzean, ezin du bere familiakoekin migrazioa egin klima epelagoko toki batera. Bere adiskideek lagunduta, aurrera egin ahal izango du etsaiez jositako mundu batean, benetako heroi bilakatu arte.

Maya erleak eta bere lagunik onenak, Willik, inurri printzesa bat erreskatatuko dute eta intsektuen arteko borroka epiko batean murgilduko dira, mundu ezezagunetara eramango dituena eta haien adiskidetasuna frogatuko duena.

Abentura Badian arazoren bat dagoenean, txakur-patruila arduratuko da konpontzeaz! Zergatik? Txakur-patruilarentzat ez dagoelako ezinezkorik! Txakur-patruilako kideek elkarrekin egingo dute lan Abentura Badiako segurtasuna bermatzeko. Izan katu bat zuhaitzean, oilo bat ihesean edo tren bat trenbidetik kanpo, txakurtxoek beti lagunduko diote behar duenari!

Astelehenetik ostiralera, 07:00etatik 10:00etara, Julen Telleria, Andrea Aranburu, Jon Gotzon Aldaparena eta Antton Telleriarekin. Eguna behin hasten delako, hasi Dida!