Artxiboa

Axel Baraboo hiriko gazte zalapartaria da. Egun batean, Bontas basoak hiria salbatuko duenaren ametsaldia izango du eta Bontas basora bidaiatzea erabakiko du Jono bere lagun lotsatiarekin batera.

Nina eskolara doan 6 urteko neskatila bat da. Bere lagun-minak Teo du izena, baina beste lagun bitxi bat ere badu: Olga hodeia. Elkarrekin abentura zirraragarriak biziko dituzte, eta, bide batez, euren sentimenduak adierazten ere ikasiko dute.

Haur eta gaztetxoei zuzendutako saioa euskara modu erakargarrian jasotzeko. Saioak ikusleek egiteko erronka ezberdinak proposatuko ditu, bai aurkezleen eskutik eta baita gainerako ikus entzuleen eskutik.

Samsam bost urteko superheroi txikia da. Hegan egiteko gai da, eta ez du ia inoiz beldurrik izaten. Unibertsoko munstro beldurgarriei aurre egiteko prest dago beti, batzuetan arazotxoren bat edo beste izan arren. Bere lagunen ondoan, nagusitzea uste baino zailagoa dela ikasiko du.

Leonardo Da Vinci, burua ideiaz gainezka daukan margolari eta asmatzaile gaztea, Mona Lisarekin maitemindu da. Lisak etxea galduko du sute batean, eta Leok, hari lagundu nahian, abentura zoro eta zirraragarri bati ekingo dio.

Ritak 4 urte ditu eta bere lagunik onena krokodilo bat da. Haurtzaroko emozioei buruzko marrazki bizidunen saio koloretsua.

Albert mutil azkar eta lotsagabea da. Herri osoa beldurtuta du bere bihurrikeriekin. Egun batean, nahigabe, herriko monumentu ezagunena lurrera botako du, Leopoldus famatuaren estatua, globo hegaldietako kapitaina eta herriko heroia. Hanka-sartzea konpontzeko modu bakarra ikusten du Albertek, munduan barrena bidaiatu eta globo hegaldietako kapitain gisa itzultzea! Hori da mundu osoa berarekin harro egoteko bide bakarra!

Vick eta hartzak iraganean harrapatuta geratzen dira, eta buruan gauza bakarra dutela diruditen animaliez inguratuta: jatea! Gure heroiak banantzen direnean, Briarrek Feifei, gerlari kementsu bihurtu nahi den otso gazte bat, ezagutuko du.

Igelen erregeak, Igel Olinpiar Jokoen garailea bere alabarekin ezkonduko dela iragarri ostean, printzesak ihes egitea erabakiko du. Plebeioz jantzita, ihesaldian Mecha saltzaile ibiltaria ezagutuko du, eta haren laguntzaz Olinpiar Jokoak prestatzen hasiko da. Bere asmoa Jokoak irabazi eta aitaren plana zapuztea da.

15 urteko bigarren hezkuntzako ikasle adimentsu bat barnetegi batera transferitzen dute ustekabean. Bertan, beste dimentsio bateko munstroen atari bat irekiko du.

Noddy eta bere lagunek Jostailandian jazotzen diren gertaera misteriotsuak ikertuko dituzte.

Raa Raa lehoiak eta bere oihaneko laguntxoek milaka abentura zaratatsu eta dibertigarri biziko dituzte.

Max akuri bioniko akastuna da eta Jota urrearrain erretxina. Laborategi batean bizi dira elkarrekin, baina egun batean ihes egitea erabakitzen dute. Haien etxe berria Muxarbaso izeneko herri alaia da. Bertako bizimodura egokitu eta tokiko faunaren onarpena lortu nahian, gure bikote bihurriak hamaika abenturari egin beharko dio aurre.

Europatik etorritako Dimitri txoriak ehunka abentura biziko ditu Afrikako sabanan.

Badator taxia! Dimitri eta lagunak oraingoan zer galduko ote duen ikusteko irrikaz daude. Baina ez da uste duten bezala kakahuete poltsa bat izango, taxitik erortzen dena kaiola batean gordetako tximino txiki bat da. Denei gustatuko litzaieke etxera eramatea. Ondo pentsatu ondoren, Makeba eta Dimitrirekin Baobabean geratuko dela erabakitzen dute. Baina txoritxoak ez zuen ahizpa txikia izateko asmorik.

Oihaneko erregeak, Lehoi erregeak, erretiroa hartzea erabaki du eta, bere ondorengoari sinesgarritasuna emateko, Miss Fina kontseilariak eta berak hauteskundeak deitzea erabaki dute. Mangu, asto garbitzaile zoriontsu eta apal bat, ustekabean, hautagai nagusia izango da. Lehoi Erregearen legezko oinordekoa den Superbusi aurre egin beharko dio.

Hontza Jaunak, bere zuhaitzean eserita, goizero irakurtzen du "Fabulandiako kronikak", bertako egunkaria. Fabulandian gertatzen diren istorio zoragarriak eta, batez ere, bertako askotariko biztanleen ezbeharrak, eztabaidak, bizipenak eta emozioak kontatzen dira bertan.

Maya erle txikia oso bihurria da, baina beti dago prest besteei laguntzeko arazoren bat daukatenean. Hala, erlauntzean polena behar dute, eta erle erreginak Maya bidaliko du bila. Erle txikiak Willi erlamandoa izango du ondoan bidaian, eta biek mundu berria ezagutuko dute.

Txikitan amak abandonatu zuen Shenxiu neskatoa familiako itsas bidaia batean murgildu da oporretan. Gau batean, itsasotik datorren dei bati jarraiki, itsaspeko zahar batean dagoen jatetxe dotore batean amaitu du. Han, zain egon gabe, aurkituko ditu bere eskaeren erantzunak.

Vincent katu gaztea Maurice izeneko sagutxo batekin elkartzen da piano zahar batean uholde batetik ihes egiteko. Marinel talde batek instrumentua jaso eta museora bidaltzen du. Hemen, Vincentek eliteko katuen eskuadroi bat ezagutzen du, urteetan karraskarien eta beste piztien maisulanak babesten aritu dena.

Dimitri, lur beroetara doan txori txiki bat, Ubuyun galtzen da ekaitz baten ondoren. Makeba jirafaren babespean oihaneko animalia ezberdinak ezagutzen joango da.